1 октябрдан Ўзбекистонда аҳолига етказиб берилаётган табиий газ тарифлари оширилмоқда. Уларнинг янгиланган реестрини Молия вазирлиги 15 сентябрь куни тасдиқлади,дейилади «Ўзтрансгаз» компанияси сайтида.

Аҳолига етказиб берилаётган 1 м³ табиий газнинг баҳоси ҳисоблагич бўлганда ҳозирги 194,7 сўм ўрнига 208,92 сўм бўлади (7,3 фоиз ошади).

Ҳисоблагич бўлмаганда овқат пишириш ёки совуқ сувни иситиш учун ишлатиладиган 10 м³ газнинг нархи 3612,95 сўм (ҳозир 3367,05 сўм), хонани иситиш учун эса 1675,55 сўм (ҳозир 1561,5 сўм) бўлади.

Шунингдек, газ ҳисоблагичлари бўлмаганда табиий газдан маиший-коммунал эҳтиёжлар учун фойдаланиш тарифлари ҳам оширилди (юқоридаги ҳаволада бу ҳақда маълумот бор).

Бундан олдин табиий газ тарифлари 15 майда оширилган эди.

Эслатиб ўтамиз, 1 октябрдан совуқ ва иссиқ сув, биноларни иситиш ва электр қуввати тарифлари ҳам оширилмоқда.