«Ўзбекэнерго» компанияси 15 июлдан электр энергияси учун тарифлар оширилиши тўғрисида маълум қилди. Янгиланган тарифлар реестри 29 июнь куни Вазирлар Маҳкамаси томонидан тасдиқланди. Тарифларнинг қайта кўриб чиқилишига ёқилғи-энергетика ресурслари нархларининг ошгани сабаб қилиб келтирилди.

Аҳолига етказиб берилаётган 1 кВтс электр энергияси 191 сўмдан 204,3 сўмга, электр плиталари билан жиҳозланган турар-жойларда яшовчи аҳоли учун эса 95,5 сўмдан 102,15 сўмга оширилди (ўсиш — 7 фоизга яқинроқ).

Электр энергияси ва бошқа коммунал хизматлар учун тарифлар сўнгги бор октябрда ошган эди.

15 июлдан табиий газ учун тарифлар ҳам оширилди.